செல்ல சிணுங்கல்களோடு
மெதுவாக ஆரம்பிக்கின்றாய்
நிதானமாக சிணுங்குகின்றாய்
சின்ன சின்ன விசயங்களில்
உன் சிணுங்கல்கள்
இப்போது ஆரம்பிக்கவில்லை
செல்ல சிணுங்கல்களாய்
சிணுங்கிக்கொண்டே கேட்டாய்
எதிர்வீட்டு கோபு விளையாடும்
பலூன் வேண்டும்
பக்கத்து வீட்டு ஆச்சி மரத்து
புளியங்காய் வேண்டும்
வெடித்து பறக்கும் பஞ்சு
பிடித்து தர வேண்டும்
சன்னதி கோவிலில் விற்கும்
கோன் ஐஸ் வேண்டும்
கடற்கரை ஓரத்து பொறுக்கிய
சிப்பிகள் வேண்டும்
காலூன்றி ஓட சின்னதாய்
சைக்கிள் வேண்டும்
பள்ளி செல்ல காமல்
கொம்பாஸ் வேண்டும்
பல்லாங்குழியில் நீதான்
வெல்லவும் வேண்டும்
அம்மாவின் சேலை
கட்டிக்கொள்ள வேண்டும்
அப்பாவின் சட்டை
போடவும் வேண்டும்
அம்மா அடிக்கும் போது
அவளைப் பிடிக்கவும் வேண்டும்
ஆனந்தமாய் வயதடைகையில்
தாவணியும் வேண்டும்
ஆரங்கள் இரண்டு
அழகாய் வேண்டும்
அடுத்த வீட்டில் இருக்கும்
விலைமிகு பவுடரும் வேண்டும்
இத்தனை சிணுங்கலும்
இயல்பாய் இருந்தது
இன்று உன் சிணுங்கல்
"இவன்தான் எனக்கு மணாளனாய் வேண்டும்"
சிணுங்கல்களாலேயே சிவிக்கின்றாய்
சிரித்து சிமிட்டி சாதிக்கின்றாய்
சிந்திப்பாய் நாளை நீ தாய்
சிணுங்குவாள் உன் மகளும் உன்னிடம்...
வல்வையூரான்
| Tweet | ||||
இயல்பான சினுங்கல்கல்தான். நீங்கள் சொல்வது போல கடைசி சிணுங்கலை தாயனபிந்தான் உணர முடியும்.
பதிலளிநீக்குநல்ல கவிதை
வணக்கம்
பதிலளிநீக்குஅண்ணா
சின்னச்சின்ன சிணுங்கல்கள் ஒன்றாக சேர்ந்து கவிதை புனைந்த விதம் நன்று வாழ்த்துக்கள் அண்ணா
-நன்றி-
-அன்புடன்-
-ரூபன்-
//இன்று உன் சிணுங்கல்
பதிலளிநீக்கு"இவன்தான் எனக்கு மணாளனாய் வேண்டும்"//
கொஞ்சம் தர்மசங்கடமான சிணுங்கல்தான்... கடைசி வரியில் சொன்னது சூப்பர்...
அட..
பதிலளிநீக்குஎதார்த்தமான வரிகள் ..
அருமையான கேள்வி முடிப்பிள் §
பதிலளிநீக்குசிந்தனை சிணுங்கல்கள் சிறப்பு...
பதிலளிநீக்குஇறுதியில் புத்திமதியும் சிறப்பு...