நினைவும் வலியும்

வேகமான மழை நாளொன்றில்
சடசடத்தபடி விழுந்தன
பெருந்துளிகள்
மண்ணை கிளறியபடியே
படபடத்த என் மனதை
கிழிக்கும்
உன் எண்ணங்கள் தந்த
வலியை வேதனையை
மிதமாகவே உணர்ந்தேன்,

என் ஏழைக் கொட்டிலின்
தாவாரத்தில்
ஓலைக்கீற்றில் சொட்டு சொட்டாய்
சிந்தும் துளிகள் போலவே
சொட்டு சொட்டாய் சிந்துகின்றது
என் இதயமும்
உனக்காய் சிலதுளிகளை தினமும்

இங்கிருந்து அங்கும்
அங்கிருந்து இங்கும்
தூக்கி பந்தாடப்படும் மண்ணைபோல
என் மனம் பந்தாடப்பட்டலும்
இந்த மண் பெற்ற
குளிர்சியைபோல
எங்கோ முலையில்
குளிர்ச்சி தரத்தான் செய்கின்றது
உன் நினைவும் வலியும்

என் கொட்டில் தான் மாளிகையாகுமா?
சொட்டல்கள் தான் தீர்ந்து
மகிழ்ச்சி வெள்ளம் தான் பாயுமா?

வல்வையூரான்

	Tweet

Post Comment