எங்கள் ஊர் வயல்களில்
நாங்கள் விதைப்பதற்று
மறுக்கப்பட்டு
முளைத்துக்கொண்டிருந்தன
நீர் முள்ளிகளும் காஞ்சோண்டிகளும்
காத்திருந்தோம்
காலங்கள் மாறுமென்று
காவலர்கள் காலவதியாக்காப்பட்டனர்
கரும் குரங்குகள்
களத்து மேட்டில் கால்களைப் பதித்தன
வரப்புயர நீர்நிறைத்த
வளமான கதிர் பெருத்த
எம் வயல்களில்
உழுதபோது எழும்பின
உக்கியபடி எலும்புகள்
உருத்தெரியாமல் புதைக்கப்பட்ட
உடலங்களின் எச்சங்களில்
உறவினைக் காணமுடியாது
உள்ளத்து சோகத்தை
உலுக்கி அழுதிட முடியா வேதனை
மீண்டும் எம் வயல்கள்
விதைக்கப்படுமா?
கைதுகளும்
காணமல் போதல்களும்
சுற்றி வளைப்புகளும்
தேடுதல்களும்
எமக்கு தொண்ணூற்று எழுகளை
ஞாபகத்தில் தருகின்றதே
எங்கள் வயல்களில்
நாங்களே
நல்ல நாற்றுக்களை
விதைக்கவே ஆசைப்படுகின்றோம்
எங்கள் வயல்களில் மீண்டும்
எவனோ விதைக்க
ஆரம்பிக்கின்றான்
மீண்டும்
நாங்களே
நல்ல நாற்றுக்களை
விதைக்கவே ஆசைப்படுகின்றோம்
எங்கள் வயல்களில் மீண்டும்
எவனோ விதைக்க
ஆரம்பிக்கின்றான்
மீண்டும்
எங்கள் வயல்கள்
எங்களுக்கே எங்களுக்காய் எப்போது?
எங்களுக்கே எங்களுக்காய் எப்போது?
வல்வையூரான்
| Tweet | ||||
மீண்டும்
பதிலளிநீக்குஎங்கள் வயல்கள்
எங்களுக்கே எங்களுக்காய் எப்போது//ம்ம் விடைதான் இன்னும் இல்லை!