வல்வை அருள்மிகு ஸ்ரீ முத்துமாரி அம்மன் பாடல்.

வல்வை அருள்மிகு ஸ்ரீ முத்துமாரி அம்மன் மகோற்சவம் 22.04.2012 அன்று கொடியேற்றத்துடன் ஆரம்பமாகி 06.05.2012 அன்று தீர்த்தோற்சவம் இடம்பெறும். அந்த தாயை துதிக்கும் முகமான பாடல் இது.

வல்வெட்டித் துறை ஓரம் - அன்னை உந்தன் சந்நிதானம்

சொல்லு நற் றழகாளே - என்னை தந்தேன் நமஸ்காரம்
கோடியாக் கரை விட்டே - கோல முத்தே வல்வை வந்தாய்
கோடி முறை துதிக்கின்றோம் - கொலுவிலுள்ள வாழ்வைத் தாயே


ஆதி சக்தி ஆனவளே - அகில மெல்லாம் ஆள்பவளே
ஓதி தினம் உருவேற்றி - பாவி மனம் உனை நாடும்
நாதி அற்றோ ருக்கெல்லாம் - நானு ண்டாகி நிற்பவளே
பாதி மதி அணிந்தானின் - பக்க துணையே வல்வைத்தாயே

கால மெல்லாம் கடந்தவளே - கருணை உள்ளம் கொண்டவளே
ஓலமிட்டே உனை நாட - ஓடி அருள் புரிபவளே
ஆழமான ஆழி கடந்து - அன்னை வல்வை வந்தவளே
கோல வண்ணன் தன்கையளே - கோடி முத்தே வல்வைத்தாயே

சீறும் நல்ல பாம்புந்தன் - சிகைக்கு நல்லகுடை பிடிக்கும்
சீரும் சிறப்பும் கொண்டவளே - சித்திரமே சிறு பெண்ணே
ஆறாத் துன்பம் அழிபவளே - ஆரும ற்றோர்க் கருள்பவளே
பேரும் உனக்கு பெரிதுதானே - எனை பெற்றவளே வல்வைத்தாயே

வண்ணக் கோபுரம் கொண்டாய் - வானுயரத் தான் நின்றாய்
தண்ணொளிப் பேரும் சுடரே - தாயாளே முத்து மாரி
மன்னர் எலாம் பணிகின்றார் - மாதுளம் பூ நிறத்தாளே
முன்னம் நீ நின்றாளே - முத்தே எல்லாம் சொர்க்கம்தானே.

வல்வையூரான்

	Tweet

Post Comment